Les mots surlignés font l'objet d'une note
1Monseigneur, jestime que vouz havés sceu par messieurs
2d’Ourche et de Chastelart ce que mon frère havoit
3negocié à mon desceu pour moy, avec eulx sur le don
4que le roy vous fist à larrivée de Mechallon en
5court et enchores que le cas ne soit advenu dont
6je loue Dieu pour havoir pluz de plaisir et contantement
7de la conservation du personnage que de tout
8lavancement que je scarois jamaiz recevoir, aiant
9toutefoiz receu cette gratification de vouz quil vouz
10est pleu en cella vouz souvenir de moy sans i havoir
11esté provoqué par aulcune prière de moy, je ne
12puiz de moinz que de men sentir grandement vostre
13obligé et redevable et vouz en remercier aultant humblement
14quil mest possible comme si la chose feust advenue.
15Vous prendrez asseurance sil vouz plait asseurance que
16jamaiz vouz me departites de vouz biens et faveurz
17à personne qui vouz soit plus humble et obeissant
18serviteur que moy, qui sera pour jamaiz daussi bon
19cueur vouz havoir baisé humblement lez
20mainz, je supplieray le Createur
21Monseigneur en parfaicte santé, très hereuse et longue
22vie. De Grenoble, ce IIII aust 1572
23Vostre très humble serviteur
24Gaspard Flehard
2526